~Хаан Леброн “Лейкерс”-т очлоо~
NBA-гийн супер од Леброн Жеймс “Кливленд” багаа орхиж “Өрнөд бүс”-ийг зорилоо. Тэрбээр удаан тунгаасны эцэст “Лос-Анжелес Лейкерс” клубтэй гэрээ байгуулжээ.
NBА-гийн гурван удаагийн аварга тэрбээр шинэ багтайгаа дөрвөн жилийн хугацаатай гэрээ байгуулсан бөгөөд нийт 154 сая долларын цалин авах юм байна.
Энэ нь лигийн хамгийн өндөр цалинтай тоглогчоор тодорсон Крис Полныхоос 6 саяар бага үзүүлэлт юм.
Леброн Жеймс өнгөрсөн улиралд дунджаар 27.5 оноо, 8.6 самбар, 9.1 дамжуулалт өгсөн амжилт үзүүлсэн.
