Монгол Улсад улс төрийн ууган хүчин, Монгол Ардын нам үүсэн байгуулагдсаны 97 жилийн ойд зориулсан “Эх орончдын өдөр”-ийн барилдаан өнөөдөр Бөхийн өргөөнд болно.
Нохой жилийн анхны барилдаан 14 цагаас эхлэх бөгөөд улс аймгийн алдар цолтой 256 бөх бяр хүчийг сорин, уран мэхийг уралдуулан барилдана. Тухайлбал, улсын цолтой 34 бөх зодоглох уг барилдаанд зургаан арслан , нэг гарьд, таван харцага магнайлан барилдахаар болжээ.
