Хөвсгөл далайг хамгаалах хуулийн төслийг УИХ-ын гишүүн Л.Энх-Амгалан санаачилжээ. Тэрбээр ХӨВСГӨЛ НУУР ХАМГААЛАХ ТУХАЙ хуулийн төслийг боловсруулж дууссан.
2019 оны хаврын чуулганаар өргөн барихаар төлөвлөж байгаа бөгөөд энэ хууль батлагдвал Хөвсгөл нуурыг хамгаалахад зориулан жил бүр улсын төсөвт санхүүжилт тусгагддаг болно хэмээн өөрийн цахим хуудсаар дамжуулан мэдээлжээ.
Мөн Хөх сувд хөтөлбөрийн хүрээнд Азийн хөгжлийн банкны 20 сая ам.долларын санхүүжилтээр ХАТГАЛ-ХАНХ чиглэлийн хатуу хучилттай замын ажил 2019 оноос хэрэгжиж эхэлнэ гэдгийг дуулгалаа.
