28/03/2018 · niitlelch.mn (Archiv) · Archive

Азийн аварга Ц.Отгондалай “АЛТАН ГАДАС” одон хүртлээ

Ази тивийн аварга Ц.Отгондалай “Алтан гадас” одонгоор шагнагдлаа

Хөвсгөл аймгийн Мөрөн сумын иргэн Фоверлифтингийн Ази тивийн аварга Ц.Отгондалайн спортын амжилт, хөдөлмөрийг үнэлж “Алтан гадас” одонгоор шагнасныг Хөвсгөл аймгийн ИТХ-ын дарга Л.Төмөрбаатар гардуулан өгч баяр хүргэлээ.

Ц.Отгондалай 2006 оноос хэвтээ шахалтын спортоор хичээллэж эхэлсэн бөгөөд 2007 оноос эхлэн Улсын аварга шалгаруулах тэмцээнд оролцож 2015 онд спортын мастерын болзол хангажээ.

Өнгөрсөн онд Филиппин улсын Манила хотод болсон хэвтээ шахалтын Азийн аварга шалгаруулах тэмцээний – 93 кг жинд түрүүлж “Ази тивийн аварга” болсон байна. Тэрээр Замын-Үүдэд болсон Улсын аварга шалгаруулах хэвтээ шахалтын тэмцээнд түрүүлж ирэх зургадугаар сард Канад улсад болох Дэлхийн аваргын тэмцээнд оролцохоор бэлтгэлээ базааж байгаа ажээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.