Нүүр хуудас Улс төр У.Хүрэлсүх: Зээл авсан гишүүд ард түмнээсээ УУЧЛАЛ гуй!!!

У.Хүрэлсүх: Зээл авсан гишүүд ард түмнээсээ УУЧЛАЛ гуй!!!

146
0
Hurelsukh
Ерөнхий сайд У.Хүрэлсүх

Б.БАТЗОРИГ ГИШҮҮН: Би сайдаар нэг жил гаруй ажиллалаа. Энэ хугацаанд салбарыг солонгоруулах чиглэлд анхаарал тавин ажилласан. Хэд хэдэн хуулийг УИХ-аар оруулж батлууллаа. Газар тариалан, аж ахуйн салбарын тоон үзүүлэлтүүд ерөнхийдөө өөдрөг байгаа. Энэ бүхнийг бүтээхэд хамтран ажилласан салбарынхандаа баярлалаа. Монгол Улсын иргэдээсээ, ээжээсээ уучлал хүсч байна. Би албан ажлаа өгөхөөр Ерөнхий сайдад хүсэлтээ өгсөн.

Ж.МӨНХБАТ ГИШҮҮН: Би Б.Батзориг, Ж.Бат-Эрдэнэ нарыг Монголын улс төрд хариуцлагаа хүлээж чаддаг жишгийг харуулсан явдалд баярлаж байгаа. УИХ-ыг тараах асуудалд хөндөгдсөн цаг үе таарлаа. Ард түмэн өнөөдөр ямар их бухимдалтай байна. Үүн дээр наймын хувинтай ус хийгээд галыг унтраахгүй. Засгийн газар өөрсдөө санаачлага гаргаад, шалгаад ЖДҮ тойрсон асуудлыг гаргаад ирчихсэн юм шиг пиар явуулж байна. Зээлээ төлөөд, уучлал гуйгаад ч ард түмэн хүлээж авахгүй байна. Ер нь фермийн аж ахуй эрхлэх гэж байгаа нэг нь энд суух хэрэг байхгүй.

ЕРӨНХИЙ САЙД У.ХҮРЭЛСҮХ: Өнөөдөр МАН уугуул нэрээ сэргээсэн өдөр тохиож байгаа. Би Ерөнхий сайд болоод эдийн засгийг сайжруулах, шударга ёсыг тогтоох хоёр зорилт тавьсан. Эхний зорилт харьцангуй сайн хэрэгжсэн. Гэвч хариуцлагын асуудал санаснаар ажил хэрэг болохгүй байгаа. Би зарлаад, тэвчээд, засах гээд үзлээ. Болохгүй байна. Тун удахгүй би намаа шинэчлинэ. Би тун удахгүй намаа шинэчлэх чиглэлд намын гишүүдээсээ дэмжлэг хүснэ.

Дараа нь ард түмнээсээ дэмжлэг хүснэ. Тэгээд чадахгүй бол өөрөө огцорно. Эр хүний ёсоор хэлчихье. Ард түмэн итгэл найдвараа алдах вий гэдгээс би айж байгаагаа өмнө нь хэлж байсан. Одоо ч дахин хэлнэ. Энэ асуудал ганц МАН-ын асуудал биш, АН-д хамаарна. Би Ерөнхийлөгчтэй зөв зүйлийн төлөө хамтран ажиллана. Бөөндөө сууж асуудлаа яриаад, шийдэж чаддаг байх ёстой. Зээл авсан гишүүд ард түмнээсээ уучлал гуйж, зээлээ төлөхгүй бол 2020 онд нэр дэвшүүлэхгүй.

З.НАРАНТУЯА ГИШҮҮН: Ерөнхий сайд томилогдохдоо хуулийн дагуу ажиллана гэж амласан. Та хуулийн дагуу ажиллаж чадаж байна уу. Ард түмэн аль хэдийнэ итгэлээ алдчихлаа. Ер нь танхимын гишүүдээ зангидаж чадах нь уу.

ЕРӨНХИЙ САЙД У.ХҮРЭЛСҮХ: Ерөнхий сайд шүдгүй арслан мэт байгаа. Бид Үндсэн хуулийн орчноо өөрчлөх хэрэгтэй. Хоёр нам одоо хамтарч л ажиллах ёстой. Би ингэж уриалсаар ирсэн.

ХАРИУ ҮЛДЭЭХ

Please enter your comment!
Please enter your name here