2019.07.04 · niitlelch.mn (Archiv) · Архив

Хүрээлэн буй орчны эсрэг гэмт хэргийг шуурхай шийдвэрлэхэд анхаарна

Нийслэлийн прокурорын газраас Цагдаагийн Ерөнхий газрын Мөрдөн байцаах албаны Хүрээлэн буй орчны эсрэг гэмт хэрэг мөрдөн шалгах хэлтэстэй хамтран дөрөвдүгээр сараас зургаадугаар сард “Хүрээлэн буй орчны эсрэг гэмт хэргийн шийдвэрлэлтийг сайжруулах” нэгдсэн арга хэмжээг зохион явуулсан байна.

Хүрээлэн буй орчны эсрэг гэмт хэргийг шуурхай шалгуулж шийдвэрлэх болон гэмт хэргийг илрүүлэх, урьдчилан сэргийлэх, гэмт хэрэг гарахад нөлөөлсөн шалтгаан нөхцлийг арилгуулах чиглэлээр тодорхой арга хэмжээнүүдийг авч хэрэгжүүлэн ажилласны үр дүнд хэргийн шийдвэрлэлт, тэр дундаа шүүхэд шилжүүлсэн хэргийн хувь хэмжээ нэмэгджээ.

Нэгдсэн арга хэмжээний хүрээнд идэвхи санаачлага гаргаж, үр дүнтэй ажилласан Нийслэлийн прокурорын газрын хэрэг бүртгэх, мөрдөн байцаах ажиллагаанд хяналт тавих 2 дугаар хэлтсийн хяналтын прокурор Б.Баярхүү, Мөрдөн байцаах албаны Хүрээлэн буй орчны эсрэг гэмт хэрэг мөрдөн шалгах хэлтсийн ахлах мөрдөгч, цагдаагийн хошууч Г.Одхүү нарыг шагнаж урамшуулсан байна.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.