Эрүүл мэндийн яам, Боловсролын яам хамтран аравдугаар сарын 1-ний өдрөөс эхлэн хүүхдийн эрт илрүүлэгийн үзлэгийг эхлүүлээд байгаа билээ. Эрт илрүүлэгт цэцэрлэг болон сургуульд суурилж нас, хөгжлийн онцлогт тохирсон багц, үзлэг, үнэлгээнд хамруулах буюу 4 нас /3, 6, 11, 15 настайд/ сонгож, хамруулж буй. Одоогоор эрт илрүүлэг үргэлжилж байгаа бөгөөд арванхоёрдугаар сарын 1-ний өдөр дуусах юм.
Эрт илрүүлэгт хамрагдсан хүүхдүүдийн 42.6 хувь нь дунд эрсдэлтэй буюу нэмэлт үнэлгээ, оношилгоо шаардлагатай, 8.7 хувь нь эрсдэл өндөртэй гэсэн дүгнэлт гарчээ.
51.3 ХУВИЙН ЭРСДЭЛ
Өөрөөр хэлбэл, үзлэгт хамрагдсан хүүхдийн 41.2 хувь нь эрсдэлтэй гэж оношлогдсон байна. Эмнэлгийн хүлээн авах тасаг, дүүргийн амбулаторийн урт дараалал. Улирал солигдох бүрд аав, ээжүүдийн урсдаг танил дүр зураг. Бид хүүхдээ халуурч, бөөлжиж, эсвэл тэсэхийн аргагүй өвдөж уйлах үед л эмнэлгийн хаалга татдаг.
Гэвч бодит байдал дээр бидний "эрүүл" гэж бодож, гүйж яваа хүүхдүүдийн цаана ямар нэгэн эмгэг, өвчний суурь чимээгүйхэн бүрэлдэж байдгийг эрт илүүлгийн явцын тооноос харж болно.
Гэхдээ энэ бүхэн зөвхөн түүврийн аргаар сонгон авсан буюу 3, 6, 11, 15 настай хүүхдүүдийн өвчлөлийн статистик. Гэтэл тэдний цаана "эрүүл" өсч торниж буй хэмээн бодож яваа хэдэн мянган хүүхэд бий гээд бодвол энэ тоо бас л халагламаар. Энэ нь үзлэгт орсон хоёр хүүхэд тутмын 1-ийнх нь биед ямар нэгэн асуудал үүссэнийг аав, ээжүүд анзааралгүй явж байсныг илтгэнэ.
Эрт илрүүлэгийн үзлэгт хамрагдсан хүүхдийн эрсдэл 24.3 хувь А буюу хэвийн үнэлгээтэй хүүхэд, 24.4 хувь В буюу Өрхийн эрүүл мэндийн төвийн түвшинд хяналт тавих шаардлагатай бага эрсдэлтэй хүүхэд, 42.6 хувь С буюу дунд эрсдэлтэй, нэмэлт үнэлгээ, оношилгоо шаардлагатай хүүхэд, 8.7 хувьD буюу эрсдэл өндөртэй үнэлэгдсэн байна.
С буюу дунд эрсдэлтэй, нэмэлт үнэлгээ, оношилгоо шаардлагатай хүүхдийн дунд шүдний өвчлөл зонхилж байгаа бол D буюу эрсдэл өндөртэй үнэлэгдсэн хүүхдийн дунд хөгжлийн хоцрогдол, биеийн жингийн өөрчлөлт зонхилж байна.
2026 оны арваннэгдүгээр сарын 5-ны өдрийн байдлаар улсын хэмжээнд боловсролын байгууллагын үзлэгт 206918 /72.4хувь/ хүүхэд хамрагдсан байна. Үүнээс эрүүл мэндийн байгууллагын үзлэгт 196869 /68.9 хувь/ хүүхэд бүрэн хамрагдаж, Улсын хэмжээнд насны бүлгээр ангилвал 3 настай хүүхдийн хамрагдалт 47451 /71.7 хувь/, 6 настай хүүхдийн хамрагдалт 53919 /71.7 хувь/, 11 настай хүүхдийн хамрагдалт 58313 /71.5 хувь/, 15 настай хүүхдийн хамрагдалт 41208 /65.5 хувь/ байна.
Засгийн газраас хэрэгжүүлж буй эрт илрүүлэг нь хүүхдийн өвчнийг хүндрэхээс нь өмнө, эмчилгээ авахад хялбар, эдийн засаг болон сэтгэл зүйн хувьд хохирол багатай дээр нь барьж авах ганц боломж юм. Дунд эрсдэлтэй гэж гарсан 42.6 хувь бол "Яг одоо л анхаарахгүй бол хүндэрлээ шүү" гэсэн дохио. Хэрэв аав, ээжүүд энэ дохиог ухаарч, нэмэлт оношилгоо, амьдралын хэв маягийн өөрчлөлтийг хийж чадвал хүүхдээ ирээдүйн том эрсдэлээс хамгаална гэсэн үг.
Хүүхдийн өвчин, эрсдэлийг эрт илрүүлж, эрт арга хэмжээ авах нь зөвхөн эрүүл мэндийн үр өгөөжтэй биш. Хожуу үеийн өндөр өртөгтэй эмчилгээ, хүндрэлээс сэргийлэх, гэр бүл болон эрүүл мэндийн тогтолцоонд учрах ачааллыг бууруулах боломжтой. Өөрөөр хэлбэл, хүүхдийн эрүүл мэндэд өнөөдөр хийж буй хөрөнгө оруулалт бол ирээдүйн эрүүл, бүтээмжтэй иргэнд хийж буй урт хугацааны хөрөнгө оруулалт юм. Тиймээс улс орон даяар бүх хүүхдүүдээ эрт илрүүлэгт ядаж нэг удаа хамруулж, ирээдүйд үүсэх эрсдэлээс урьчилан сэргийлцгээе. Үүнийг төр нь ч анхааралдаа авч, эрт илрүүлэгт бүх хүүхдүүдийг хамруулах, эцэг эхчүүд ч гэсэн хүүхдүүдээ анхаарах цаг болсныг эрт илрүүлгийн үр дүн бидэнд сануулж, бас анхааруулж байна.
3,605.46





















































Нэргүй 2026-11-09 64.119.21.100
Монголын эмч нар өвчтөнүүдийг албаар алж, АНУ-аас АНУ-д амьдрах ногоон картыг авдаг. Эмч нарт юу ч битгий өг!
Нэргүй 2026-11-09 103.212.118.205
Монголд оршин буй намууд, тэдний засгийн газрууд монгол хүүхдэд болон боловсролын салбарт үнэхээр ээлгүй дээ. сонгуульд ялах нэг зэвсгээ л болгодог. Өөрсдийнхөө хүүхдүүдийг л анхаардаг байх муусайн новшнууд.
Нэргүй 2026-11-09 202.9.46.64
Асуумж ямар байгаагаас хамаарч үр дүн гарна. Хэт их, нуршуу, нарийн зүйлс асууж байвал асуудалтай л гарна.
саруул сэтгэц төв үнэн 2026-11-09 43.228.128.87
саруул сэтгэц төв
Зочин 2026-11-09 103.212.119.92
Өөө хөөрхий одоо хүүхдүүд цөм өвчтэй болж таарав уу? Арай хэтэрхий эрт илрүүлэг биш үү