2017.08.07 · niitlelch.mn (Archiv) · Архив

“Самсунг” группийн дэд ерөнхийлөгч И Че Юнг-ийн өмгөөлөгчид шүүхийн шийдвэрийг хүлээн зөвшөөрөхгүй, давж заалдана гэнэ.

2017 оны 8 сарын 7-нд Өмнөд Солонгос улсын Сөүл хотын шүүхээс “Самсунг” группийн дэд ерөнхийлөгч И Че Юнг-ийг авлигын хэрэг үйлдсэн гэм буруутайд тооцож, 12 жил хорих ял оноожээ. Энэ талаар “The Korea Times” мэдээлсэн байна.

Шүүх бүрэлдэхүүн түүнийг экс ерөнхийлөгч Пак Гын Хе-гийн холбогдсон авлигын хэргийн хамсаатан бөгөөд бизнесийн үйл ажиллагаандаа түүний засгийн газраас дэмжлэг авахын тулд дотны найз, бизнес эрхлэгч Чой Сун Шил, түүний охин нарт 1 тэрбум 300 сая воны авлига өгсөн гэм буруутай гэж үзжээ.

Мөн тэдний санаачлан байгуулсан урлаг, спортыг дэмжих сайн дурын санд 229 тэрбум вон хандив өгснийг ч авлигын шинжтэй хэмээн үзсэн байна. “Самсунг” группийн дэд ерөнхийлөгч И Че Юнг-ийн өмгөөлөгчид шүүхийн шийдвэрийг хүлээн зөвшөөрөхгүй, давж заалдана гэж мэдэгджээ. Шүүх хуралдаан дээр түүний туслахууд “Дэд ерөнхийлөгч И Че Юнг нь мөнгөн хандивын тухай огт мэдэхгүй. Бид дотооддоо гаргасан шийдвэрийг тухайн үед түүнд мэдээлэлгүй орхисон буруутай. Тэрээр энэ хэрэгт огт хамаагүй” гэж мэдүүлсэн байна.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.