13/09/2017 · niitlelch.mn (Archiv) · Archive

НҮБ-ын Аюулгүйн Зөвлөлийн 15 гишүүн орон Хойд Солонгосын эсрэг нэмэлт хориг авахыг зөвшөөрчээ.

НАСАУ зургаа дахь удаагаа цөмийн туршилт хийж, пуужингууд хөөргөн олон улсын аюулгүй байдалд заналхийлж байгаа учир НҮБ тус улсад нэмэлт хориг тавихаар боллоо. НҮБ-ын энэхүү тогтоолын төслийг батлахыг ОХУ болон Хятад улс санал нэгтэйгээр дэмжсэнээр Хойд Солонгосын эсрэг илүү чанга хатуу арга хэмжээ авахаар болоод байна. Энэ хоёр улс өмнө нь БНАСАУ-ын эсрэг хориг тавихдаа анхааралтай хандах хэрэгтэй, хариу үр дагавраас нь болгоомжлох шаардлагатай гэсэн байр суурьтай байсан юм. Шинээр хориг арга хэмжээ авахыг НҮБ-ын Аюулгүйн Зөвлөлийн 15 гишүүн орон бүгд зөвшөөрчээ.

Түүнчлэн АНУ Хойд Солонгосын нүүрс, хар тугалга, далайн экспортыг хориглох шийдвэр гаргасан байна. НҮБ-ын тогтоолоор БНАСАУ-д жилд хоёр сая баррелаас илүү хэмжээтэй боловсруулсан нефтийг нийлүүлэх хориотой боллоо. Тус улсад нийлүүлдэг боловсруулсан нефтийн тал хувь нь ийнхүү үгүй болж байгаа юм. Мөн гадаадад ажиллаж байгаа хойд солонгосчууд эх орон руугаа мөнгө шилжүүлэхийг хоригложээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.