niitlelch.mn · Архивлагдсан хувь Архивласан: 2026-10-24 21:22 UTC Эх: https://niitlelch.mn/%d1%83%d0%bb%d1%81-%d1%82%d3%a9%d1%80/%d1%83-%d1%85%d2%af%d1%80%d1%8d b536bcdf3dbde8dd… ← niitlelch.mn руу буцах

У.Хүрэлсүхийг Ерөнхийлөгч дэмжлээ.

УИХ-ын дарга М.Энхболд Ерөнхийлөгч Х.Баттулгад Ерөнхий сайдад нэр дэвшигчийг зөвшилцөхөөр өргөн барьсан юм. Ерөнхий сайдад нэр дэвшигчийн талаар зөвшилцөх хүсэлтийн хариуг Ерөнхийлөгч Х.Баттулга УИХ-ын дарга М.Энхболдод  хүргүүлэв. Ерөнхий сайдаар томилох санал оруулах тухай бичигт “УИХ-ын 2016 оны сонгуулийн дүнгээр байгуулсан Засгийн газрыг огцруулсан тул МАН У.Хүрэлсүхийг Ерөнхий сайдад нэр дэвшүүлэн Ерөнхийлөгчид өргөн мэдүүллээ. Монгол Улсын Үндсэн хуулийн 33.1 дэх хэсгийн 2-т заасан бүрэн эрхийнхээ дагуу У.Хүрэлсүхийг Монгол Улсын Ерөнхий сайдаар томилох саналыг УИХ-д оруулж байна. У.Хүрэлсүхийг Монгол Улсын Ерөнхий сайдаар томилох асуудлыг яаралтай хэлэлцэн шийдвэрлэхийг УИХ-аас хүсье” гэжээ. Ингэснээр уг асуудлыг УИХ-ын чуулганаар хэлэлцэн шийдвэрлэх л үлдэв.