niitlelch.mn · Archivkopie Archiviert: 2026-10-24 21:22 UTC Quelle: https://niitlelch.mn/%d0%bd%d0%b8%d0%b9%d0%b3%d1%8d%d0%bc/%d1%83%d1%83%d1%80%d1%85%d0%b0%d ffa7443db01d854d… ← zurück zu niitlelch.mn

Уурхайн 110 метрийн гүнд агааргүйдэж амиа алджээ.

Өчигдөр нийслэлийн Налайх дүүргийн гуравдугаар хороо, “Цагаан шонхор” ХХК-ийн эзэмшлийн талбайд иргэн Б-гийн нүүрсний бичил уурхайд нүүрс олборлож байсан залуу амиа алджээ. Тодруулбал, уурхай руу орсон нэг хүн гарч ирэхгүй удсан тул шалгаж өгнө үү гэсэн дуудлагыг энэ сарын 11-ний өдрийн 11:24 цагт хүлээн авч, Уул уурхайн аврах ангийн долоон алба хаагч, хоёр техник хэрэгсэлтэйгээр ажилласан байна. Эх сурвалжийн мэдээлснээр, тус дүүргийн гуравдугаар хороонд оршин суугч иргэн 24 настай эрэгтэй Б тус уурхайн 110 метрийн гүнд агааргүйдэж амиа алдсан байжээ. Уурхайн 110 метрийн гүнд агаар дахь хүчилтөрөгчийн агууламж 20 хувь байсан аж. Улмаар цогцсыг гаргаж, цагдаагийн байгууллагад шилжүүлэн өгсөн байна.