2017.11.16 · niitlelch.mn (Archiv) · Архив

СЭРЭМЖЛҮҮЛЭГ: Голд цөмөрсөн машиныг татаж гаргажээ

Орхон голын мөсөн дээгүүр зорчиж явахдаа цөмөрч суусан машиныг онцгой байдлын алба хаагчид гаргажээ.

Тодруулбал, Орхон аймгийн Баян-Өндөр сумаас Булган аймгийн Бүрэгхангай сумын чиглэлд зорчиж явсан иргэн Б-ийн “Бонго фронтер” загварын ачааны автомашин Орхон голын мөсөн дээгүүр зорчиж явахдаа цөмөрч суусан байна.

Энэ тухай дуудлагын дагуу онцгой байдлын газрын 5 албан хаагч, нэг техник хэрэгсэлтэйгээр 14:30 цагт газар дээр нь очиж, 04:00 хүртэл ажиллаж автомашиныг уснаас татан гаргажээ.

Сэлэнгэ аймгийн Орхонтуул суманд Төв аймгийн Заамар сумаас Сэлэнгэ аймгийн Баруунбүрэн сумын чиглэлд зорчиж явсан иргэн Б-ийн “Ланд круйзер-105” загварын суудлын автомашин, иргэн Б-ийн “Ниссан Экстриал” загварын суудлын автомашин цасанд суусан байна. Онцгой байдлын албаныхан дуудлагыг энэ сарын 14-ний 19:01 цагт хүлээн авч, долоон албан хаагч, нэг техник хэрэгсэлтэйгээр очиж автомашинуудыг цаснаас татан гаргасан аж.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.