10/02/2018 · niitlelch.mn (Archiv) · Archive

Тод манлай уяач Д.Ононгийн хүү О.Батбилэг

ММСУХ-ны тэргүүлэгчид энэ сарын 5-нд хуралдаж, тахиа жилийн уралдаанд өндөр амжилт үзүүлсэн уяач, уралдаанч хүүхэд тодруулсны зэрэгцээ, үйл ажиллагаагаараа бусдадаа үлгэрлэсэн шилдэг салбар холбоог шалгаруулжээ.

Шилдгийн шилдэг уяач: Төв аймгийн Сэргэлэн сумын харьяат, Монгол Улсын гавьяат малчин, тод манлай уяач Д.Ононгийн хүү Батбилэг.

Шилдгийн шилдэг залуу уяач: Дундговь аймгийн Хулд сумын харьяат, Монгол Улсын алдарт уяач Б.Лхагва-Очир.

Шилдгийн шилдэг уралдаанч: Нийслэлийн Хан-Уул дүүргийн 59 дүгээр дунд сургуулийн сурагч “Түмний эх” галын уралдаанч Г.Отгонбаяр.

Шилдгийн шилдэг холбоо: Нийслэлийн Морин Спорт Уяачдын Холбоо.

Шилдэг холбоо: Хөвсгөл аймгийн “Дэлтэй цэнхэр” МСУХ, Баян-Өлгий аймгийн МСУХ.

Шилдэг салбар холбоо: Өмнөговь аймгийн Ханбогд сумын “Галбын хурд” МСУХ, Өвөрхангай аймгийн Уянга сумын “Сайн ноёны хурд” МСУХ, Сэлэнгэ аймгийн Сайхан сумын МСУХ , Сүхбаатар аймгийн Мөнххаан сумын “Мөнххаан хурд” МСУХ, Төв аймгийн Заамар сумын “Тосон довон ” МСУХ, Увс аймгийн Өндөрхангай сумын “Домогт Сайвар Халтар” МСУХ.

Шилдэг гал: “Түмэн эх” гал.

Үүнээс гадна тахиа жилийн уралдаанд амжилтаараа тэргүүлсэн хот, аймаг, дүүргийн шилдэг 22 уяач, 31 уралдаанч хүүхдийг шалгаруулж, нохой жилийн босгон дээр шагналыг нь гардуулдаг уламжлалтай билээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.