niitlelch.mn · Архивлагдсан хувь Архивласан: 2026-10-24 21:23 UTC Эх: https://niitlelch.mn/%d0%bd%d0%b8%d0%b9%d0%b3%d1%8d%d0%bc/%d0%be%d1%80%d0%be%d0%bd-%d0%bd% a7daf15a7d470788… ← niitlelch.mn руу буцах

Орон нутгийн зам ашигласны төлбөрийн хэмжээг тогтоолоо

Аймгийн ИТХ-ын ээлжит VII хуралдаанаар Орон нутгийн чанартай авто зам, замын байгууламж ашигласны төлбөрийн хэмжээг тогтоолоо.

Тодруулбал, мотоцикль 3000, суудлын автомашин хөдөлгүүрийн багтаамжаас шалтгаалан 10-20 мянга, автобус суудлын тоогоор 20-30 мянга, ачааны автомашин даацаас шалтгаалан 20-30 мянга, тусгай зориулалтын машин 20 мянга, трактор, өөрөө явагч хэрэгсэл 8-15 мянга, чиргүүл даацаас шалтгаалан 10-20 мянган төгрөгийг жилд төлнө.

Харин нийтийн эзэмшлийн авто зогсоолууд үнэ төлбөргүй байх юм.

УИХ-аас Авто замын тухай хуулийг шинэчлэн баталсантай холбогдуулж, аймгийн ИТХ-аас Орон нутгийн чанартай авто зам, замын байгууламж ашигласны төлбөрийн хэмжээг шинэчлэн тогтооно хэмээн заасны дагуу уг тогтоолыг баталлаа.