2018.06.10 · niitlelch.mn (Archiv) · Архив

Баян-Өлгий аймгийн залуу малчдыг малжуулах хөтөлбөрт хамруулна

Баян-Өлгий аймгийн Хөдөлмөр, халамжийн үйлчилгээний газраас тус аймгийн Алтай, Баяннуур, Ногооннуур, Дэлүүн, Сагсай сумдын 51 залуу малчин өрхийг “Малчдын хөдөлмөр эрхлэлтийг дэмжих хөтөлбөр”-т хамруулахаар шийдвэрлэжээ.

Энэ жил малжуулах хөтөлбөрт 241 сая төгрөг зарцуулах бөгөөд 150 хүртэл толгой малтай өрхөд таван сая, 150-200 толгой малтай өрхүүдэд дөрвөн сая төгрөгөөр тухайн орон нутгаас мал худалдан авч өгөх аж. Эдгээр малчид Хөдөлмөр эрхлэлтийг дэмжих үндэсний зөвлөлийн 2017 оны 01 тоот тогтоолд зааснаар олгосон санхүүгийн дэмжлэгийг 24 сарын дотор хуваарийн дагуу 100 хувь эргүүлэн төлөх юм.

~Баян-Өлгий аймгийн залуу малчдыг малжуулах хөтөлбөрт хамруулна~

“Малчдын хөдөлмөр эрхлэлтийг дэмжих хөтөлбөр” нь 2006 оноос хэрэгжиж эхэлсэн бөгөөд залуу малчид, цөөн малтай иргэдэд мал маллагааны арга ажиллагааны болон аж ахуй эрхлэх ур чадвар олгох, малжуулах, өрхийн орлогыг нэмэгдүүлэх зорилготой байна.

2017 онд уг хөтөлбөрт Булган, Буянт, Дэлүүн, Толбо, Цагааннуур, Цэнгэл, Улаанхус сумдын 31 залуу малчин өрх хамрагдсанаас 150 сая төгрөгөөр 3477 толгой мал худалдаж авч өгч байжээ.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.