26.09.2018 · niitlelch.mn (Archiv) · Archiv

Хэт таргалалт нь хорт хавдартай болох эрсдэлийг нэмэгдүүлдэг

Эмэгтэйчүүдийн хорт хавдар тусах шалтгаан нь тамхинаас илүү хэт таргалалт болж магадгүй байгааг судлаачид тогтоожээ.

“Cancer Research UK” судалгааны байгууллагын мэдээлснээр Их Британид хорт хавдартай эмэгтэйчүүдийн 12 хувь нь тамхинаас болж хорт хавдар туссан бол долоон хувь нь хэт таргалалтаас болж хорт хавдар туссан байдаг байна.

Хэдий тийм боловч 2043 он гэхэд энэ зөрүү арилж, эмэгтэйчүүдийн хорт хавдар тусах хамгийн том шалтгаан нь тамхи биш, хэт таргалалт болох тооцоо гарсан байна.

Учир нь тамхи татдаг хүмүүсийн тоо буурахтай зэрэгцээд хэт таргалалттай хүмүүсийн тоо нэмэгдэх төлөвтэй байгаа аж. Тиймээс бодлого төлөвлөгчид хэт таргалалттай тэмцэх бодлого хэрэгжүүлэхийг уриалж байна.

Түүнчлэн багадаа илүүдэл жинтэй байсан хүүхдүүд том болоод таргалалтаар өвчлөх магадлал тав дахин өндөр байдаг гэж судлаачид онцолжээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.