2018.10.01 · niitlelch.mn (Archiv) · Архив

Харүмафүжи Д.Бямбадорж 28 насандаа зодог тайллаа

Японы мэргэжлийн сумо бөхийн 70 дахь их аварга, Монгол Улсын гавьяат тамирчин, харүмафүжи Д.Бямбадоржийн зодог тайлах ёслол өчигдөр Японы нийслэл Токио хотноо боллоо.

Энэхүү ёслол нь үс авах ёслол буюу бөхийн замналаа дуусгаж буйг илтгэсэн агуулгатай юм. Тэрбээр сүүлчийн удаа дэвжээнд гарч, “ёкозүна дохё-ири” ёслолыг хийлээ.

Д.Бямбадорж 28 насандаа Японы мэргэжлийн сумо бөхийн Макүүчи буюу дээд зиндааны 2012 оны долоо, есдүгээр сард дараалан түрүүлснээр 70 дахь их аваргаар тодорсон юм. Тэрбээр гадаадын тав, Монголын гурав дахь их аварга /Ёкозүна/ цолтноор тодорч байсан хүчтэн билээ.

Ид эрчтэй үедээ сүмогийн дэвжээг орхиж байгаа нь Монголчуудын төдийгүй Япончуудын сэтгэлд харуусал төрүүлсэн үйл явдал болж байна.

Нутаг нэгт бөхдөө гар хүрсэн гэх асуудлаар Ёкозунагийн зөвлөл хуралдаж, Их аваргад хатуу шийтгэл оноох нь зүйтэй гэж үзэн зодог тайлуулах шийдвэрийг гаргасан байдаг. Эл шийдвэр нь сумогийн дэвжээний далд ертөнцөд орших зөрчлийн золиос нь боллоо гэх шүүмжлэлийг ч араасаа дагуулаад байгаа.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.