2018.11.02 · niitlelch.mn (Archiv) · Архив

САЙН МЭДЭЭ: Автобаазын алба хаагчид ахмад ажилтан Л.Мөнхнасанд тусаллаа

“Сайхан сэтгэлийн үзүүрт, шар тос” хэмээн Монголчууд бид ярьдаг. Өөрийн хөдөлмөр зүтгэлээ ногдсон ажилдаа хоёргүй сэтгэлээр зориулан, хийж бүтээсэн зүйл ихтэй хэр нь түүнийгээ олон нийтэд дэлгэх хүсэлгүй.

Одоогийн залуусын хэлдгээр ОД болох хүсэлгүй эгэлчүүд бидний дунд нам гүм оршсоор.

Цагдаагийн ерөнхий газрын Автобаазын залуус “Хариу нэхээгүй тус” үйл ажиллагаа зохион байгуулж, тус албанаас гавьяаныхаа амралтад гарсан ахмад ажилтан, цагдаагийн ахлах ахлагч Л.Мөнхнасангийн гэрт очиж тусалжээ.

Цагдаагийн ахлах ахлагч Л.Мөнхнасангийн гэрт очиж тусаллаа-01

Ахмад ажилтан Л.Мөнхнасан гуай гэртээ ганцаараа амьдардаг учир алба хаагчид нүүрс түлээ, хүнсний бүтээгдэхүүнийг нь бэлтгэж, хашаа хороог цэвэрлэж өвөлжилтийн бэлтгэлээ хангахад нь тусалсан байна.

Автобаазынхан Цагдаагийн ерөнхий газрын даргын тушаалаар батлагдсан Соён гэгээрүүлэх ажлын хүрээнд энэхүү үйл ажиллагааг зохион байгуулжээ.

Сайн үйлс бүтээсэн Автобаазын алба хаагчдад ажлын амжилт хүсье.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.