niitlelch.mn · Архивлагдсан хувь Архивласан: 2026-10-24 21:23 UTC Эх: https://niitlelch.mn/%d0%bd%d0%b8%d0%b9%d0%b3%d1%8d%d0%bc/%d1%81%d1%83%d1%80%d0%b0%d0%b3%d c5f7557f3bf1f112… ← niitlelch.mn руу буцах

Сураггүй болсон малчин залуу айлын хашаанд унтаж байжээ

Дорнод аймгийн Чулуунхороот сум (Эрээнцав)-ын Галуут багийн “Оросын худаг” гэдэг газарт иргэн Б-гийн туслах малчин 25 настай Д гэх залуу энэ сарын 2-нд 14:00 цагийн орчимд адуу хураахаар морьтой яваад сураггүй алга болжээ.

Энэ мэдээллийн дагуу тус сумын Засаг даргын Тамгын газраас тухайн өдрийн 18:27 цагт дөрвөн автомашин, 22 хүний бүрэлдэхүүнтэй эрэн хайх ажиллагааг зохион байгуулж, таван цагийн дараа Д-г эсэн мэнд олсон байна.

Тодруулбал, алга болсон гэх туслах малчин тус багийн “Галуут нуур” гэдэг газар өөр айлын малын хашаанд унтаж байжээ. Гэвч түүнийг олсон даруйд Д морио унаад зугтсан аж.