21.12.2018 · niitlelch.mn (Archiv) · Archiv

Жирэмсэн эхчүүд, хүүхдүүдийг цэвэр агаарт гаргах санал цуцлагдлаа

“Утааны эсрэг ээж аавууд” ТББ-аас ирүүлсэн саналын дагуу жирэмсэн эхчүүд, 0-5 хүртэл насны хүүхдүүдийг цэвэр агаарт тав хоног амраахад урьдчилсан тооцооллоор найман тэрбум орчим төгрөг зарцуулах асуудлыг холбогдох сайд нар судалж, Лхагва гаригт Засгийн газрын хуралдаанаар танилцуулсан билээ.

Уг асуудлыг өнөөдөр Засгийн газрын ээлжит бус хуралдаанаар хэлэлцэх байсан ч Засгийн газраас дэмжихгүй гэдэг шийдвэр гаргажээ. Тиймээс өнөөдрийн хэлэлцэх асуудлуудаас хасагдсан байна.

Энэ талаар “Эх, хүүхдийг хотын ойролцоо амралтын газарт 5 хоног амраах тухай ТББ-аас ирүүлсэн саналыг Засгийн газар дэмжихгүй. Өнөөдрийн хэлэлцэх асуудлуудаас хассан” хэмээн ЗГХЭГ-ын дарга Г.Занданшатар өөрийн цахим хуудастаа бичжээ.

НХХЯ судалгааг хийснээр Улаанбаатар хот орчмын нийт 29 сувилал, эмнэлэг, зарим амралттай хөнгөлөлттэй үнээр эх хүүхдүүдийг нэг удаа тав хоногоор, 18 ээлжээр амраахад 8.7 тэрбум төгрөг шаардлагатай гэсэн тооцоог гаргасан байсан юм.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.