niitlelch.mn · Archivkopie Archiviert: 2026-10-24 21:22 UTC Quelle: https://niitlelch.mn/%d1%83%d0%bb%d1%81-%d1%82%d3%a9%d1%80/%d1%8d-%d0%b1%d0%b0%d1%82-%d2%a d111d0eb23f04960… ← zurück zu niitlelch.mn

Э.Бат-Үүлийг Авилгатай тэмцэх газар шалгуулах хүсэлт гаргажээ

ТҮЦ эрхлэгчдийн Түмэн холбоо, “Олон нийт иргэний хяналт” ТББ нийслэлийн засаг дарга асан Э.Бат-Үүл болон НИТХ-ын дарга асан Д.Баттулга нарыг Авилгатай тэмцэх газраар шалгуулах хүсэлт гаргажээ.

Тэднийг албан тушаалаа урвуулан ашигласан байж болзошгүй гэж тус хоёр байгууллагаас үзэж буй аж. Нийслэл дэх ТҮЦ-ийг цэгцлэх ажил бүр 2013 онд эхэлсэн бөгөөд тухайн үед нэг стандартын ТҮЦ байршуулна хэмээн мэдэгдэж, “КИГ” ХХК нэг бүрийг 10-11 сая төгрөгөөр иргэдэд худалдаж байсан аж. Ингэхдээ тус компаниас ТҮЦ худалдан авахгүй бол газрын зөвшөөрөл олдохгүй, үйл ажиллагаа явуулах боломжгүй болж байсан нь ТҮЦ эрхлэгчдийг ийн сэрдэхэд хүргэж буй гэнэ.