21/02/2019 · niitlelch.mn (Archiv) · Archive

Цагдаагүй үед зөрчил илрүүлэх “E-POLICE” аппликейшн

Цагдаагүй үед замын дүрэм зөрчигчдийг хянах зорилгоор бүтээсэн “E-POLICE” аппликейшнийг одоогоор 10 мянга гаруй хүн ашиглаж 90 зөрчилд хариуцлага тооцуулсан байна гэж Замын хөдөлгөөний удирдлагын төвөөс мэдээлэв.

Замын хөдөлгөөнд оролцож буй жолооч нар урсгал сөрөх, тэмдэг тэмдэглэгээ зөрчих, зогс шугам давж зогсох, уулзвар гарц хаах, уулзварт давхар эргэх, эгнээ хааж зогсох, эгнээ байр буруу эзлэх, гэрлэн дохио зөрчих гэх мэтээр замын хөдөлгөөний дүрмийг ихээр зөрчдөг.

Үүний улмаас түгжрэл үүсч, хөдөлгөөний ачааллыг ихээр бий болгож байна. Тиймээс замын хөдөлгөөний соёлыг дээшлүүлэх, зөрчлийг бууруулах, иргэдийн оролцоо, хяналтыг нэмэгдүүлэх, болзошгүй аюулаас урьдчилан сэргийлэх зорилгоор Замын хөдөлгөөний удирдлагын төв, Тээврийн цагдаагийн газар хамтран “E-Police аппликейшнийг гарган ажиллаж байна.

Иргэд олон нийтийг аппликейшнээ татаж хамтран ажиллахыг тус төвөөс мэдээллээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.