27.04.2017 · niitlelch.mn (Archiv) · Archiv

Харуул гал алджээ

Энэ сарын 26-ны өдрийн 12.00 цагийн орчимд Хан-Уул дүүрэг дэх Нүхтийн аманд ой, хээрийн түймэр гарсан. Галын тухай дуудлага 12.22 цагт Нийслэлийн онцгой байдлын газар ирсэн бөгөөд гал түймэр богино хугацаанд тархаж нийт 8 га талбай түймэрт өртсөн байна.

Уг түймрийг унтраахаар ОБЕГ-ын харъяа Аврах тусгай анги, Нийслэлийн аврах 105 анги, Нийслэлийн Онцгой байдлын газрын Хан-Уул дүүргийн Онцгой байдлын хэлтсийн Гал түймэр унтраах, аврах 14, 30, 65, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Зэвсэгт хүчний 303 дугаар анги, Богдхан Уулын дархан цаазат газрын хамгаалалтын ажилчид зэрэг нийт 185 хүн ажиллаж, тус өдрийн 16.20 цагт цурманд оруулсан байна.

Шинжээчдийн дүгнэлтээр Нүхтийн аман дахь амины орон сууцнуудын харуул ил гал түлж байхдаа гал алдсанаас түймэн дэгдсэн болох нь тогтоогджээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.