10/05/2019 · niitlelch.mn (Archiv) · Archive

Шинэ нисэх буудалд 670 мод тарьж, эко орчинг бүрдүүлэв

Улаанбаатар хотын Олон улсын шинэ нисэх буудал орчмын ногоон байгууламж нэмэгдэж, шинээр 670 модны суулгацаар өнгө нэмлээ.

Шинэ нисэх буудалдаа өнгө нэмэх, эко орчин бүрдүүлэх зорилгоор тус нисэх буудлын Ашиглалтын өмнөх захиргааны албаны хамт олон 2017 оноос уламжлал болгон зохион байгуулж байгаа “Шинэ бүтээн байгуулалтад эко орчин бүрдүүлж, хувь нэмрээ оруулцгаая” аяныхаа хүрээнд болон удахгүй болох нисэхийн баяраа угтаж, “Улаанбаатар хотын олон улсын шинэ нисэх онгоцны буудал барих төсөл хэрэгжүүлэх нэгж” болон “Оюу талст” ХХК-тай хамтран эдгээр модыг суулгасан байна.

Мөн Монгол улсад Нисэх хүчин үүсч хөгжсөний 94 жилийн ой, Иргэний агаарын тээвэрчдийн баярын өдрийг угтсан бүтээлч ажлынхаа хүрээнд цэцгийн мандал байгуулах, байгууллагын дотоод орчинд цэцэг тарих, тарьсан мод, цэцгийг арчлах ажлуудыг амжилттай хэрэгжүүлж байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.