20/06/2019 · niitlelch.mn (Archiv) · Archive

Хонконгийн эсэргүүцлийн жагсаалд хоёр сая иргэн оролцжээ

Хонконгд БНХАУ-д ялтан шилжүүлэх тухай хуулийн төсөл, Хятадын Коммунист намын дэмжлэгтэй эрх баригчид, болон түүний дотор өөртөө засах орны тэргүүн Керри Лиамыг огцрохыг шаардсан жагсаал үргэлжилсээр байна. Эсэргүүцлийн жагсаалыг зохион байгуулагчид Керри Лиамыг огцорч, уучлал гуйхыг шаардсан эсэргүүцлийн жагсаалд ойролцоогоор хоёр сая хүн оролцон гэж мэдээллээ.

Эсэргүүцлийн жагсаал өндрөө авч, олны хамарсан эмх замбараагүй байдал хяналтаас гарах эрсдэлтэй үед тус улсын засаг захиргааны тэргүүн Керри Лиам олон нийтэд хандаж уучлалт гуйж, ард түмэндээ хандан алдаагаа залруулах дахин нэг боломж олгохыг хүссэн байна.

Цагдаа нар эсэргүүцэгчдийн хүчтэй тэмцэлтэй тулгарч 500 гаруй хүнийг хүч хэрэглэн баривчилсан аж. Тэд жагсаалыг хүчээр тараахын тулд нулимс асгаруулагч хий болон резинэн сумтай буу ашиглаж байжээ. Харин жагсагчид “бид та нартай адил Хонконгууд. Тиймээс бидэн рүү битгий буудаач” гэсэн нэгдсэн уриаг ашиглаж байсан аж. Олныг хамарсан эмх замбараагүй байдлаас болж 70 орчим хүн шархдаж, эмнэлэгт хүргэгдсэн талаар албаны хүмүүс мэдээлсэн байна.

Мөн дэлхийн улсууд үүсээд буй нөхцөл байдал, нийтийг хамарсан эмх замбараагүй байдалтай холбоотойгоор тус улсад сурч, хөдөлмөрлөж буй иргэдээ болгоомжтой байхыг сануулж, эсэргүүцлийн үйл ажиллагаанаас хол байхыг анхааруулжээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.