12/03/2021 · niitlelch.mn (Archiv) · Archive

Архангай аймгийн Чулуут сумын орох, гарах хөдөлгөөнийг хязгаарлав

Архангай аймгийн Чулуут суманд Улаанбаатараас очсон кино зураг авалтын багийн нэг гишүүн Covid-19-тэй нь илэрч, нийт 15 хүнийг ХӨСҮТ рүү шилжүүлсэн. Тус сумын Онцгой комиссоос батлагдсан нэг тохиолдлын хавьтал болсон иргэдээс долоо хоногийн дараа PCR шинжилгээ дахин авах ажээ.

Чулуут сум руу орж, гарах хөдөлгөөнийг тодорхойгүй хугацаагаар хязгаарласан байна. Мөн сумын төвд тогтоосон дэглэмийн дагуу банк, ахуй үйлчилгээний төвүүдийн үйл ажиллагааг зогсоож, хөдөлгөөнийг хязгаарласан бол хүнсний дэлгүүр, эмийн сан хуваарийн дагуу хүргэлтийн үйлчилгээ үзүүлж буй аж. Өнөөдрийн байдлаар Тус суманд ойрын хавьтлын 14, дам хавьтлын 22 иргэн тусгаарлагдсан байна.

Нутгийн иргэдийн хүсэлтийн дагуу хүргэлтийн дэлгүүрийн тоог гурав болгон нэмэгдүүлж, хөдөлгөөн хязгаарласантай холбогдуулан бензин шатахууныг зөвхөн зөвшөөрөлтэй машинд олгож байгаа ажээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.