2021.03.25 · niitlelch.mn (Archiv) · Архив

Архангай аймаг PCR шинжилгээ хийх лабораторитой боллоо

Архангай аймаг улсын төсвийн хөрөнгө оруулалтаар ЭМЯ-наас хуваарилсны дагуу PCR шинжилгээ хийх молекул биологийн лабораторитой боллоо.

Тус лабораторийг Нэгдсэн эмнэлэгт суурилуулж, энэ сарын 20-ны өдрөөс эхлэн шинжилгээ авч эхэллээ. PCR аппарат нь тусгай горим, өрөө тасалгаа шаарддаг, хүчин чадал өндөр, коронавирусний халдварын PCR шинжилгээнээс гадна томуу, сүрьеэ, бэлгийн замын халдвар, элэгний В, С вирусний халдварын шинжилгээг хийх томоохон лаборатори юм.

Цаашид лабораторийн ажиллагааг шуурхай хангаж, орон нутагтаа PCR шинжилгээ авч эхэлснээр цаг хугацаа, урсгал зардлыг хэмнэх боломж бүрдэж байгаа юм.

Дашрамд өнгөрсөн өдрүүдэд Чулуут, Хайрхан, Батцэнгэл сумдад тусгаарлагдсан иргэдийн давтан шинжилгээг аймгийн Нэгдсэн эмнэлэгт тус PCR аппаратаар хийжээ.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.