22.06.2017 · niitlelch.mn (Archiv) · Archiv

Буэнос-Айресийн ойролцоогоос Адольф Гитлерийн цээж баримал олджээ.

Өмнөд Америкийн Аргентин улсад дэлхийн дайн дууссаны дараа нацистууд олноороо амь хоргодож байсан. Тиймээс ч тус улсаас нацистуудтай холбоотой эд зүйлс олноороо олддог. Энэ удаад Аргентины нийслэл Буэнос-Айресийн ойролцоогоос нацистын Германы нууц агуулах олдсон талаар “МК” мэдээлжээ. Энэ нь тус улсын түүхэн дэх хамгийн том олдвор юм байна. Нийт 75 эд зүйл байсныг зарим эх сурвалж нацист германы нэлээн дээд тушаалын хүмүүсийнх байж магадгүй гэж таамаглаж байгаа аж. Нууц агуулахаас олдсон эд зүйлсийг шинжилсний дараа Үндэсний музейд шилжүүлж өгөх юм байна.  Аргентины Засгийн газрын төлөөлөгч “Дэлхийн хоёрдугаар дайныг өдөөсөн гуравдугаар рейхийн эд зүйл хадгалсан нууц агуулах олдсон нь өмнө нь олдож байсан зүйлсээс хамгийн том нь” гэж хэлсэн байна. Аргентины Аюулгүй байдлын сайд Патрисия Буллрич “Олдвор дотор Адольф Гитлерийн цээж баримал, дурсгалын зүйлс байгаа юм гэжээ. Дэлхийн хоёрдугаар дайнд Герман ялагдсаны дараа Социал демократ намын болон Германы цэргийн дээд тушаалын олон хүн Латин Америкийн орнууд руу зугтаж гарсан байна. Тэдний дотор штандартенфюрер Вальтер Рауфф, “хомроглон устгалын эцэг” Адольф Эйхман, Освенцимын бөөнөөр хорих лагерийн “мангас” Йозеф Менгеле нар байсан гэдэг.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.