2017.06.23 · niitlelch.mn (Archiv) · Архив

АНУ-ын баян эрхэмүүдийн хөрөнгийн хэмжээ өмнөх жилийнхээс 1.7 тэрбум ам.доллараар өссөн гэнэ.

АНУ-ын  бизнесмен, буянтан,  “Микрософт” компанийг  үүсгэн  байгуулагчдын нэг  Билл Гейтс АНУ-ын хамгийн  баян  эрхэмүүдийн жагсаалтыг тэргүүллээ гэж  ТАСС агентлаг мэдээлжээ. Өнгөрсөн  лхагва гаригт “Forbes” сэтгүүлд нийтлэгдсэн мэдээллээр, АНУ-ын 50 мужийн баячуудын жагсаалтыг 88.9 тэрбум ам.долларын хөрөнгөтэйд тооцогдож буй Билл Гейтс \Вашингтон\ тэргүүлсэн байна. “Микрософт”-ыг үүсгэн байгуулагч  дэлхийн хамгийн баян хүн юм. Небраскагийн хамгийн баян оршин суугчаар хөрөнгө оруулагч   Уоррен Баффет тодорчээ. Түүний хөрөнгийн хэмжээ 76.2 тэрбум ам.долларын хөрөнгөтэй гэнэ. АНУ-ын хамгийн залуу баян буюу Калифорнийн хамгийн баян оршин суугчаар “Facebook” нийгмийн сүлжээг үндэслэгч, 33 настай Марк Цукерберг тодорсон байна. Хөрөнгийн хэмжээ нь  62.4 тэрбум ам.долларын хөрөнгөтэй. Аляскад “Forbes”-ийн жагсаалт дахь баячуудын хамгийн “ядуу” хоёр эрхэм нь барилгын компани хамтран эзэмшдэг Леонард Хайд, Жонатан Рубини нар ажээ. Тэд тус бүр дансандаа 340 сая ам.доллартай . Тус жагсаалтад орсон 52 хүний нийт хөрөнгө 745 тэрбум ам.доллар бөгөөд энэ нь өмнөх жилийнхээс 1.7  тэрбум ам.доллараар  өссөн  үзүүлэлт гарчээ.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.