10.07.2017 · niitlelch.mn (Archiv) · Archiv

БНХАУ-ын иргэн алдарт морин хуурч Чи Булаг Төрийн дээд одон “Алтан гадас” одонгоор шагнагдлаа.

ОХУ-ын Батлан хамгаалахын сайд Сергей Шойгуг Монгол Улсын Ерөнхийлөгч Ц.Элбэгдоржийн зарлигаар төрийн дээд одон Алтан гадасаар шагнахаар болжээ. Ерөнхийлөгчийн зарлигийн дагуу өнөөдөр ОХУ-ын иргэн Нина Санджариковна Уланова, Цырендаши Эрдынеевич Доржиев, Ооржак Ошку-Саар Аракчаевна, Комбу Алдын-Кыс Чамзырыновна, БНХАУ-ын иргэн Чи Булаг, Дашдонровын Баярбаатар нарыг “Алтангадас одон”-гоор шагнасан байна.

Тэднээс гадна Алтан гадас одонд ОХУ-ын Батлан хамгаалахын сайд Сергей Шойгу, БНХАУ-ын иргэн, дуучин Тэнгэр нарыг тодорхойлсон ч, хүндэтгэх шалтгааны улмаас ирж амжаагүй гэнэ. ОХУ-д төр, засгийн өндөр албан тушаалтан гадаадын төр, засгаас шагнал хүртэхдээ дээд байгууллагаасаа зөвшөөрөл авдаг ёс байдаг юм байна. Харин энэ зөвшөөрөл ирсний дараа Сергей Шойгуд  одонг нь гардуулна гэдгээ албаныхан мэдээллээ.

Гадаадын улс орны дээрх эрхмүүдийг үйл ажиллагаа явуулдаг урлаг, спорт, эрдэм шинжилгээний салбартаа Монгол Улсыг сурталчилж, ажил амьдралаа зориулж явааг нь төрөөс үнэлж  ийнхүү шагнаж байна.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.