16/07/2017 · niitlelch.mn (Archiv) · Archive

Азийн аваргаас ‘Женко’ клубийн тамирчин Баянмөнхийн Нармандах алтан медаль хүртэж тивийн аварга болжээ.

Кыргызстаны нийслэл Бишкек хотноо 2017 оны өсвөр үе,  залуучуудын  Азийн  аварга  шалгаруулах жудо бөхийн  тэмцээн эхэллээ. Тэмцээний эхний өдөр өсвөр үеийн ангилалын хөнгөн жингийн барилдаанууд явагдаж, хөвгүүдийн 60 кг-ын жинд Увс аймгийн Тэс сумын харьяат 2015 оны өсвөр үеийн ДАШТ-ий хүрэл медальт ‘Женко’ клубийн тамирчин Баянмөнхийн Нармандах алтан медаль хүртлээ. Тэрбээр эхний тойрогтоо Тажикстаны бөхийг хоёр вазари үнэлгээгээр буулгаж авсан бол хэсгийн аваргын төлөө Казахстаны бөхийг 2:09 минутад вазари үнэлгээгээр хожиж яваад иппон буулгасан. Харин хагас шигшээд Узбекистаныг, аваргын төлөө БНСУ-ын бөхчүүдийг тус бүр нэг вазари үнэлгээгээр ялж, тивийн аварга болсон байна.

Мөн энэ тэмцээнд  55 кг-ын жинд Женко клубийн тамирчин Бямбасүрэнгийн Сүхбат, 50 кг-д Чингэлтэй дүүргийн тамирчин Ганбүргэдийн Тэмүүжин нар мөнгөн медаль хүртлээ. Мөн охидын 44 кг-ын жинд олимпийн медальт Галбадрахын Отгонцэцэгийн төрсөн дүү Цэрэндолгорын Отгончимэг мөнгөн медаль, Монголын жүдо академийн тамирчин Лхагвасүрэнгийн Сосорбарам, Хан-Уул дүүрэг ‘Женко’ клубийн тамирчин Алтанхундагын Номуундалай нар хүрэл медаль хүртлээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.