18.08.2017 · niitlelch.mn (Archiv) · Archiv

Малала Юсафзай Их Британийн Оксфордын их сургуульд сурна.

Нобелийн Энх тайвны шагналт Малала Юсафзай Их Британийн Оксфордын их сургуульд тэнцжээ.

Одоо Их Британид амьдарч буй тэрбээр энэ тухайгаа өчигдөр твиттер хуудсандаа бичсэн байна.

Тэрбээр философи, улс төр ба эдийн засгийн чиглэлээр суралцах аж.

Охидод боловсрол эзэмшүүлэхийг уриалан кампанит ажил өрнүүлснийх нь төлөө өдгөө 20 хүрч буй түүнийг Пакистаны “Талибан” бүлэглэлийнхэн 2012 онд толгойн тус газарт нь буудан шархдуулж байсан юм.

Энэ хэргийн дараа тэрбээр дэлхий дахинд танигдсан бөгөөд эмчилгээ хийлгэхээр эцэг эхийнхээ хамт Пакистанаас нүүн Их Британид амьдрах болсон билээ.

Малала Юсафзай нь Нобелийн Энх тайвны шагнал хүртсэн хамгийн залуу хүн юм. Тэрээр 2014 онд 17 настай байхдаа энэ шагналыг хүртсэн билээ. Одоо тэрбээр НҮБ-ын Энх тайвны элчээр сонгогдсон хамгийн залуу хүн болж байна.

Нобелийн Энх тайвны шагналт Малала Юсафзай охидод боловсрол эзэмшүүлэхэд онцгойлон анхаарах үүрэг хүлээсэн НҮБ-ын Энх тайвны элчээр томилогдсон байна.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.