21/08/2017 · niitlelch.mn (Archiv) · Archive

ОХУ-ын тамирчин, Пауэрлифтингийн дэлхийн аварга амиа алджээ.

Пауэрлифтингийн дэлхийн аварга ОХУ-ын тамирчин Андрей Драчёв Ням гарагийн өглөө Хабаровск хотод болсон гудамжны зодооны үеэр амиа алдсан байна.

Хабаровск хотын нэгэн кафены гадаа өглөө эрт болсон зодооны дүрс бичлэг хяналтын камерт бичигдэж үлдсэн байна. Маргаанаа гар зөрүүлж шийдэхээр болсон залуусын зодоонд 32 настай Драчёв ялагдсан нь бичлэгээс харагдаж байгаа юм. Түүний өрсөлдөгч нь гардан тулааны өндөр бэлтгэлтэй нэгэн байсан бололтой. Тамирчны толгойд хэд хэдэн удаа хүчтэй өшиглөсний дараа хүчтэй цохилтууд угсруулан хийсэн байна. Энэ үед кафены хамгаалагч нар зодооныг зогсоожээ. Талийгаачийг эмнэлэгт хүргэсний дараа тархины гэмтлийн улмаас нас барсан байна.

Драчёв 2008 онд залуучуудын дэлхийн аварга болж, 2011 онд насанд хүрэгчдийн дэлхийн аваргаас мөнгөн медаль зүүж байсан билээ. Алуурчныг Анар Аллахверанов гэгч болохыг тодорхойлж, эрэн сурвалжилж эхэлжээ.  Мөн долдугаар сарын сүүлээр Европын залуучуудын хоёр удаагийн аварга, чөлөөт бөхийн тамирчин  2020 оны Олимпийн наадамд ОХУ-ыг төлөөлөн оролцохоор бэлдэж байсан  Юрий Власко Байгал нуурын эрэг дээр бусдад зодуулж амиа алдсан билээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.