20.09.2017 · niitlelch.mn (Archiv) · Archiv

Хаягдал дугуй, резиныг дахин боловсруулна

Манай улсын “Golden universe recycling” болон АНУ-ын “Greenland enterprises” компани хамтран бүх төрлийн хаягдал дугуй, резин, хаймар дахин боловсруулах үйлдвэр байгуулахаар болжээ. Дээрх хоёр аж ахуйн нэгж өнгөрсөн баасан гаригт хамтран ажиллах гэрээ байгуулсан байна.

Хамтын ажиллагааны хүрээнд авто тээврийн салбарын хог хаягдлыг бүрэн боловсруулж, “Евро-5” стандартын дизель түлш гаргах дэвшилт, шинэ шийдэлтэй, европ технологийн тоног төхөөрөмж бүхий үйлдвэр байгуулахаар төлөвлөжээ. Хог хаягдал дахин боловсруулах үйлдвэрүүдийг нэгтгэх “Эко парк” төслийг нийслэлийн ЗДТГ, Монголын хог хаягдлыг дахин боловсруулах үндэсний холбоо хамтран хэрэгжүүлж буй. Тэгвэл дээр дурдсан үйлдвэрийг Эко паркад байгуулах гэнэ.

Суудлын жижиг тэрэгний нэг дугуй долоон литр газрын тос агуулдаг бөгөөд зориулалтын бусаар шатаавал нүүрснээс хэдэн зуу дахин их хорт утаа ялгаруулдаг. Манай улсын хэмжээнд одоогоор “Алтан оршихуй” гэх ганцхан компани автомашины дугуй боловсруулж, дизель түлш үйлдвэрлэж буй юм.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.