27/09/2017 · niitlelch.mn (Archiv)
· Archive
Баянзүрхчүүд “Илүү зардал гарган төрийн бүтцийг томруулах шаардлагагүй”гэжээ.
Нийслэлийн Баянзүрх дүүргийн иргэдийн дунд Баянзүрх дүүргийг хуваахыг дэмжиж байгаа эсэх талаар иргэдээс санал авчээ. Иргэдийн төлөөлөгчдийн хурлын шийдвэрийг үндэслэж байгуулагдсан ажлын хэсэг 28 хорооны нийт 93,713 өрхөөс санал авахад нийт иргэдийн 87 хувь нь дүүрэг хуваахыг дэмжихгүй гэдгээ илэрхийлсэн байна. Харин иргэдийн 10 хувь нь дүүрэг хуваахыг дэмжсэн бол санал асуулгад оролцогчдын гурван хувь нь ямар нэг санал өгөөгүй аж.
Иргэдийн зүгээс төсөв санхүү хүндрэлтэй байгаа энэ цаг үед илүү зардал гарган төрийн бүтцийг томруулах шаардлагагүй хэмээсэн байна. Үүний оронд зайлшгүй хэрэгцээтэй байгаа сургууль, цэцэрлэг, эмнэлгийн хүртээмжийг нэмэгдүүлэхэд илүү анхаарал тавьж ажиллахыг нийслэлийн удирдлагуудаас хүсжээ.
This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.
Comments (0)
No comments yet.
Log in to comment.