06/10/2017 · niitlelch.mn (Archiv) · Archive

Зам тээврийн яам ахмадуудаа шагнав

Ахмадын баярын өдрийг тохиолдуулан зам, тээврийн салбарт олон жил үр бүтээл, идэвхи санаачлагатай ажилласан үе үеийн тээвэрчдийг “Автотээврийн тэргүүний ажилтан” цол тэмдгээр шагналаа. Мөн эрхэлсэн ажилдаа амжилт гаргасан Зам, тээврийн хөгжлийн яамны Автотээврийн бодлогын хэрэгжилтийг зохицуулах газрын албан хаагчдыг шагнаж, урамшуулав.

Зам, тээврийн хөгжлийн сайдын үүрэг гүйцэтгэгч Д.Ганбат “Улс орны нийгэм, эдийн засгийн хөгжилд онцгой үүрэг гүйцэтгэдэг энэ салбараас олон жил хөдөлмөр бүтээлээрээ үлгэрлэсэн үе үеийн салбарын удирдлагууд төрөн гарч, ажил үйлсээрээ манлайлж байна. Зам, тээврийн хөгжлийн яамнаас Засгийн газрын 2016-2020 оны мөрийн хөтөлбөрт тусгагдсан дэд бүтцийн томоохон төсөл хөтөлбөрүүдийг шат дараатайгаар хэрэгжүүлж эхэлсэн бөгөөд үүнд та бүхний хүчин чармайлт ихээхэн хувь нэмэр оруулж байгаа гэдгийг онцлон хэлье. Та бүхний ажил, амьдралд хамгийн сайн сайхан бүхнийг хүсье” гэлээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.