2017.10.20 · niitlelch.mn (Archiv) · Архив

Орон байрны хулгайг оюутнууд илрүүлжээ

Иргэдийн эрүүл аюулгүй орчинд амьдрах нөхцөлийг бүрдүүлэх, гэмт хэрэгтэй тэмцэх, урьдчилан сэргийлэх зорилгоор Баянзүрх дүүрэг дэх цагдаагийн 1, 2, 3 хэлтсээс Батлан хамгаалахын их сургууль, Хууль сахиулахын их сургууль, Их засаг их сургуулиудтай хамтран “ЭРГҮҮЛ 1000” нэгдсэн арга хэмжээг 2017 оны 10 дугаар сарын 01-ний өдрөөс 2017 оны 11 дүгээр сарын 01-ний өдрийн хооронд зохион байгуулж байна.

Өчигдөр нэгдсэн арга хэмжээний хүрээнд үүрэг гүйцэтгэж байсан хэв журмын ажилтан цагдаагийн дэслэгч О.Болд, олон нийтийн цагдаа Ш.Наранчимэг, ИЗОУИС-ийн оюутан Ц.Номин, Г.Оюундэлгэр, Т.Шежире нар Сэлэнгэ аймгийн Баянгол сумын харьяат Б согтуурсан үедээ Цэргийн хотхоны дугаар тоотод суух Т-ийн гэрийн хаалганы цоожийг хөшиж BSB 32 инчийн зурагт, DVD тоглуулагч зэрэг эд зүйл хулгайлсан үйлдлийг илрүүлэн Баянзүрх дүүрэг дэх цагдаагийн хоёрдугаар хэлтэс шалгаж байна.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.