14.12.2016 · niitlelch.mn (Archiv) · Archiv

С.Зоригийн аллагын хэргийн шүүх хурал хаалттай явагдана

С.Зориг агсны амь насыг хороосон хэргийн шүүх хурал хэрэг гарснаас 17 жилийн дараа өнөөдөр хорих 461-р ангид болох гэж байна. Хурлыг нээлттэй хийнэ гэсэн мэдээлэл байсан боловч улсын нууцтай холбоотой материалууд яригдах учир хаалттай хийх шийдвэр гарсан.

Хохирогчийн ар гэрийн зүгээс нээлттэй явуулах хүсэлт гаргасан боловч прокуроороос зөвшөөрөөгүй байна. Хурлын зөвхөн төгсгөлд шийдвэрийг танилцуулах үед сэтгүүлчдийг камергүй сурвалжлага авах боломж олгох ажээ.

Шүүх хуралд Ц.Амгаланбаатар нарын 3 хүн яллагдагчаар татагдсан бөгөөд хохирогчийн талаас УИХ-ын гишүүн асан С.Зориг агсны дүү С.Оюун нар оролцох юм.

Харин шүүгчдээр М.Алдар, Б.Мөнх-Эрдэнэ, С.Оюунчимэг нарын шүүгчид томилогдсон.

Одоогийн байдлаар шүүх хурлын ажиллагаа явагдах хорих 461-р ангийг өндөржүүлсэн хамгаалалтанд аваад байгаа юм.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.