25/10/2017 · niitlelch.mn (Archiv) · Archive

Томуугийн эсрэг вакциныг 10 мянган төгрөгөөр хийж эхэллээ.

Улирлын томуугийн эсрэг вакциныг Халдварт өвчин судлалын үндэсний төвийн Сайн дурын дархлаажуулалтын гурван кабинетэд өнөөдрөөс хийж эхэллээ. Зургаан сараас дээш бүх насныхан эмчид үзүүлэн, ямар нэгэн эсрэг заалтгүй бол төлбөрөө төлөөд сайн дурын дархлаажуулалтад хамрагдах боломжтой юм байна.

ХӨСҮТ-ийн Сайн дурын дархлаажуулалтын кабинет болон нэмэлтээр гаргасан гурван кабинет даваагаас баасан гаригт 08.30-14.00 цагт ажиллах гэнэ.

Сайн дурын дархлаажуулалтаар БНСУ-ын “Green Cross” компанийн вакциныг хийх бөгөөд вакцины үнийг 10 мянган төгрөгөөр тогтоосон байна. Энэ нь зөвхөн тээврийн зардал аж.

Томуугийн вакцин хийлгэснээс хойш 21 хоногийн дараа дархлаа тогтох бөгөөд вакцины халдвараас хамгаалах хугацаа нь нэг жил ажээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.