30/10/2017 · niitlelch.mn (Archiv) · Archive

“Ил хаадын урлаг, соёлын бүтээлүүд” номын нээлт болно

Монголын үндэсний номын санд тархан Суурьшсан Монголчууд Байгууллага (ТАСАМ)-аас эрхлэн хэвлүүлсэн “Ил хаадын урлаг, соёлын бүтээлүүд” (Иран, Мараге музей) номын нээлт 2017 оны 10-р сарын 31-ний 17:00 цагт Монгол Улсын Үндэсний Номын Сангийн Их уншлагын танхимд болно.

Монголын эзэнт гүрний баруун жигүүрт Ил хаадын ивээл дор өрнөж байсан бүтээн байгуулалтын бахархалт баримт болох хаадын зоос, шавар ваар, шилэн хийгээд төмөрлөгийн урлал, уран бичлэг зэрэг таван төрлийн 200 гаруй хосгүй үнэт соёлын дурсгалыг монгол, кирил, англи, перс хэл бичгүүдээр гурван улсад дөрвөн төрлөөр эрхлэн хэвлүүлж олон улсын судалгааны эргэлтэнд оруулж буй анхны бүтээлийн монгол дахь ёслол, нээлтийн хүрээнд болж буй үйл ажиллагаанд өргөн олноороо зочлон саатахыг урьж байна.

Үйл ажиллагаанд “Ил хаадын урлаг, соёлын бүтээлүүд” номыг эрхлэн хэвлүүлэгч ТАСАМ, хамтран зохион байгуулагч Монгол улсын Үндэсний Номын Сан болон Монгол Улсын Шинжлэх Ухааны Академи, Соёл Урлагийн Их Сургуулийн Дүрслэх Урлагийн Сургууль, ТАСАМ-ыг Дэмжигчдийн клуб, эрдэмтэн мэргэд, судлаач, цуглуулагчид, хэвлэл мэдээллийн төлөөлөгчид оролцох бөгөөд олон нийтэд нээлттэй үйл ажиллагаа болох юм.

Нээлт танилцуулгын дараа судлаач, цуглуулагчдад зориулан 26% урамшуулалтай худалдаа болох бөгөөд байгууллага, хувь хүмүүсийн захиалгыг бүртгэнэ. Мөн үеэр “Ил хаадын урлаг, соёлын бүтээлүүд” номоор сэдэвчилсэн интерактив үзэсгэлэн дэлгэнэ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.