31/10/2017 · niitlelch.mn (Archiv) · Archive

100 буудалт даамын оюутны УАШ тэмцээнд ОУИМ М.Нямжаргал гурав дахиа аваргалав

Монголын даамын холбоо, Их дээд сургуулиудын холбоо, “Алтан хүү” клубээс хамтран зохион байгуулсан зуун буудалт даамын оюутны улсын аварга шалгаруулах тэмцээн энэ сарын 27-29-ний өдрүүдэд Техник технологийн дээд сургууль дээр боллоо. 11 дэх жилдээ зохиогдсон тус тэмцээнд  20 гаруй их, дээд сургуулиудын эрэгтэй 33, эмэгтэй 17 даамчин өрсөлдсөн юм.

Эрэгтэйчүүд Швейцарь системээр 8 өрөг тоглож дүнгээ гаргахад ДДХМ Ц.Отгонбилэг 13 оноо авсан амжилтаар тэргүүлж, ДДХМ Б.Мөнхжин 13, спортын дэд мастер Б.Пүрэвжаргал 12 оноогоор мөнгө, хүрэл медаль хүртлээ. Шагналт IV-V байранд дэд мастер Т.Лувсангончиг 12, ДДХМ Ц.Сүхбат 11 оноогоор шалгарсан байна. Ц.Отгонбилэгийн хувьд оюутны УАШТ-д гурван жил дараалан түрүүлж байгаа нь энэ юм.

Эмэгтэйчүүд мөн Швейцарь системээр 7 өрөг тоглоход ОУИМ М.Нямжаргал зуун хувийн амжилтаар манлайлж, мөн л тус тэмцээнд гурав дахиа аваргалав. Мөнгөн медалийг ДДХМ А.Дашбаяр 10, хүрэл медалийг спортын дэд мастер Б.Энх-Амар 9 оноогоор хүртлээ. Харин Спортын мастер Э.Саранзаяа 9, дэд мастер А.Цэвээн 8 оноогоор шагналт байр эзэлжээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.