16.12.2016 · niitlelch.mn (Archiv) · Archiv

54 УДААГИЙН ҮЙЛДЭЛТЭЙ ХУЛГАЙН ГЭМТ ХЭРГИЙГ ИЛРҮҮЛЛЭЭ

Баянзүрх дүүрэг дэх цагдаагийн нэгдүгээр хэлтсийн алба хаагчид 12 холбогдогчтой, 54 удаагийн үйлдэлтэй хулгайн гэмт хэргийг илрүүлэн шалгаж эхэлжээ.

Гэмт этгээдүүд Баянзүрх, Чингэлтэй, Сүхбаатар дүүргийн нутаг дэвсгэрийг дамжин хулгайн гэмт хэрэг үйлдсэн нь шалгалтын явцад тогтоогдсон байна. Тэд өдрийн цагаар үйлчилгээний төвүүдээр явж бэлэн мөнгө, бараа, гар утас зэргийг хулгайлдаг бол шөнийн цагаар харуул хамгаалалтгүй хүнсний дэлгүүрээс орлогын мөнгө, архи согтууруулах ундаа хулгайлдаг байж.

Гурван бүлэг болж хулгайн гэмт хэрэг үйлддэг этгээдүүдийг насанд хүрээгүй П, Б, Т нар нь зохион байгуулдаг. Насанд хүрээгүй этгээдүүд учир таслан сэргийлэх арга хэмжээ авалгүйгээр хэргийн шалгалтын ажиллагааг явуулж байгаа тухай Баянзүрх дүүрэг дэх цагдаагийн нэгдүгээр хэлтсийн мөрдөн байцаагч, ахлах дэслэгч Б.Баярсайхан мэдээлэв.

Иргэдийг өмч хөрөнгөдөө тавих хараа хяналтаа сайжруулах, хяналтын камер байрлуулах зэргээр хулгайн гэмт хэргээс урьдчилан сэргийлэхийг цагдаагийн байгууллагаас анхааруулж байна.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.