2017.12.05 · niitlelch.mn (Archiv) · Архив

Э.Содномпилжээ 235 кг хүндийг өргөснөөр мөнгөн медаль хүртлээ

Пара паэурлифтингийн Дэлхийн аварга шалгаруулах тэмцээн/ДАШТ/ Мексик улсын Мехико хотноо ням гарагт /2017.12.03/ эхэллээ. Дөрвөн жилд нэг удаа болдог пауэрлифтингийн ДАШТ-ий эхний өдөр эрэгтэйчүүдийн 107 кг, эмэгтэйчүүдийн 86 кг-ын медальтнууд тодорлоо.

Эрэгтэйчүүдийн 107 кг-д өрсөлдсөн Э.Содномпилжээ 235 кг хүндийг өргөснөөр мөнгөн медаль хүртлээ.

Түүний жинд Мексикийн Кастилло 236 кг-аар алтан медаль хүртсэн бол Укрианы тамирчин Крюков Антон 235 кг-аар хүрэл медалийн эзэн болсон байна.“Рио 2016” паралимпийн наадамд 86 кг-д өрсөлдөн хүрэл медаль хүртэж байсан Э.Содномпилжээ энэ жилээс жин өгсөн 107 кг-д хүчээ үзэж байна. Түүний хувьд энэ жил Дэлхийн цомын аварга болсон бөгөөд ДАШТ-ээс мөнгөн медаль хүртлээ.Гавьяат тамирчин Э.Содномпилжээ энэ удаагийн ДАШТ-д Монголын Паэурлифтингийн холбооны ерөнхий нарийн бичгийн дарга Д.Баттулгын хамт Мексик улсыг зорьсон юм.

Мехико хотноо болж буй пара паэурлифтингийн ДАШТ энэ сарын 7-ны өдөр өндөрлөнө.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.