13.12.2017 · niitlelch.mn (Archiv) · Archiv

Орхон аймаг цас арилгах зориулалттай 10 гаруй төхөөрөмжтэй боллоо

Орхон аймгийн Хот тохижуулах газар цас арилгах зориулалттай техник хэрэгсэлтэй боллоо. Нийт 10 нэр төрлийн моторт тоног төхөөрөмжийг ОХУ, БНХАУ-аас худалдан авахад  орон нутгийн төсвөөс 20 сая төгрөг зарцуулжээ.

Эдгээр нь дагтаршсан цасыг бутлах, замын бордиур орчмын цасыг хамж цацах зориулалттай гэнэ. Ингэснээр Хот тохижуулах газрын ажилтнуудын ажлын бүтээмж дээшилж, хүн хүчний хуваарилалтыг боловсронгуй болгоход чухал нөлөө үзүүлнэ гэж тус газрын Ерөнхий инженер Г.Буяннэмэх ярилаа.

Үүнээс гадна ирэх онд Хот тохижуулах газарт Япон Улсын Токомачи хотоос цас арилгах зориулалттай, өндөр хүчин чадалтай авто машин нийлүүлэхээр болжээ. Энэ талаар Засаг дарга Д.Батлут ярихдаа “Бид Япон Улсын Токомачи хоттой тогтоосон харилцаа, хамтын ажиллагааныхаа хүрээнд Эрдэнэт хотод тусгай зориулалтын авто машин нийлүүлээч гэсэн хүсэлт гаргасан. Өнгөрсөн сард тус хотын удирдлагуудаас зөвшөөрсөн хариу ирүүлсэн. Тусгай зориулалтын автомашины зах зээлийн ханш нь 500 гаруй сая төгрөг боловч бид үүнийг үнэ төлбөргүй авахаар боллоо” гэлээ.

Дашрамд дурдахад, Хот тохижуулах газрын ажилтнуудыг аливаа тэмдэглэлт өдрөөр ажиллахад орон нутгаас нэмэгдэл цалин олгохоор боллоо.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.