niitlelch.mn · Snapshot Archived: 2026-10-24 21:22 UTC Source: https://niitlelch.mn/%d0%bd%d0%b8%d0%b9%d0%b3%d1%8d%d0%bc/%d0%b1%d0%be%d0%bb%d0%be%d0%b2%d dfe3701ae656e44e… ← back to niitlelch.mn

МУИС-ийн нэрэмжит тэтгэлгийг 25 оюутан хүртлээ

“МУИС-д суралцагчдад тэтгэлэг олгох нийтлэг журам”-ын дагуу идэвхи чармайлт гарган амжилттай суралцаж, бусдыгаа манлайлан, сурлагын өндөр амжилт гаргасан оюутнуудад МУИС-ийн нэрэмжит тэтгэлгийг олгодог.

Өнөөдөр /2017.12.13/ 2016-2017 оны хичээлийн жилд амжилттай суралцаж бусдыгаа манлайлсан Шинжлэх ухааны сургуулийн Байгалийн ухааны салбарын, Хүмүүнлэгийн ухааны салбарын, Нийгмийн ухааны салбарын нийт 25 оюутанд 1 сая ба түүнээс дээш хэмжээний тэтгэлгийг олголоо.

Гэхдээ энэхүү тэтгэлгийг бэлэн мөнгөөр бус зөвхөн сургалтын төлбөрт зарцуулахаар зохицуулж МУИС-ийн сургалтын нэгдсэн систем Сиси-д тухайн оюутны нэр дээр байршуулсан тухай ШУС-ийн захирал, доктор Б.Баяртогтох хэлэв.