15.12.2017 · niitlelch.mn (Archiv) · Archiv

Яруу найргийн “Болор цом-35” наадам…

Яруу найргийн “Болор цом-35” наадам Говь-Алтай аймагт эхэлж байна

Монголын зохиолчдын эвлэлээс жил бүр уламжлал болгон зохион байгуулдаг утга уянгын яруу найргийн наадам болох “Болор цом-35” наадам өнөөдөр Говь-Алтай аймагт эхэлж байна.

Энэ жилийн наадам Монголын үргэлжилсэн үгийн зохиолын нэрт төлөөлөгч, соён гэгээрүүлэгч Чадраабалын Лодойдамба агсны мэндэлсний 100 жилийн ойн хүрээнд болж буйгаараа онцлогтой юм байна.

Өнгөрсөн жил Дорнод аймагт зохион байгуулж наадмын цомын эзнээр яруу найрагч Б.Батсайханыг шүүгчид тодруулсан нь багагүй хэл ам дагуулсан билээ.

“Болор цом”. Утга уянгын энэ их наадмыг 1983 онд  Ардын уран зохиолч Дэндэвийн Пүрэвдорж санаачлан зохиож “Хүн төрөлхтөнд хүргэх шүлэг”-ээрээ тэргүүлж байсан түүхтэй.

Удаах жил нь Дөнгөтийн Цоодол “Нэр нь тодроогүй баатрууд”, дараа жил нь Бавуугийн Лхагвасүрэн “Шагнал” шүлгээрээ тэргүүн найрагчид болж, тэр цагаас хойш ард түмний сэтгэлд хоногшсон олон арван найрагч төрөн гарчээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.