22/12/2017 · niitlelch.mn (Archiv)
· Archive
БНСУ: Нийтийн саунд гал гарсны улмаас…
БНСУ: Нийтийн саунд гал гарсны улмаас 29 хүн амиа алджээ
БНСУ-ын Жэчон хотод өчигдөр нийтийн сауны 8 давхар барилгад гал гарсны улмаас 29 хүн амиа алдаж, 26 хүн түлэгдэж, галын утаанд хорджээ.
Гал сөнөөгчдийн мэдээлснээр гал барилгын 1 дүгээр давхраас эхлэн гарсан бөгөөд дээд давхрууд руу хурдацтай тархсан байна. Уг гал 16:00 цагийн орчимд гарчээ.
Галыг унтраахаар 60 гал сөнөөгч, 49 галын машин, хэд хэдэн нисдэг тэрэг ашиглаж, шөнө гэхэд унтраасан байна. БНСУ-ын Ерөнхийлөгч Мун-Жэ Ин хэрэг явдалтай холбогдуулан эмгэнэл илэрхийлж, яаралтай арга хэмжээ авч ажиллахыг хүсчээ.
Мөн Ерөнхий сайд Ли Нак Ён Онцгой байдал, Дотоод хэргийн сайдууд хандан гал унтраах ажилд бүх хүчээ дайчлахыг тушаасан байна.
This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.
Comments (0)
No comments yet.
Log in to comment.