14.01.2018 · niitlelch.mn (Archiv) · Archiv

СОРОБАН чамайг илүү ухаантай болгоно

Найз минь чи хичээлээ түүртэхгүй хийж, багшийнхаа болон гэр бүлийнхнийхээ зааж өгсөн бүгдийг хурдан сурч мэдэн өмнөхөөсөө илүү ухаантай болмоор байна уу? Хааяа ч тоо бодох, эсвэл шүлэг цээжлэх ч хэцүүхэн байдаг шүү. Тэгвэл өмнөхөөсөө илүү ухаалаг болохыг хүсвэл соробан буюу сампингаар хичээллэхийг зөвлөж байна. Соробан чамд ямар их үр өгөөжийг өгөх вэ гэдгээ эндээс уншиж мэдээрэй.

Сампингаар хичээллэснээр тоог хурдтай бодохоос гадна аль төрлийн хичээлд хандах хандлага нь өөр болж ирнэ. Гадаад хэлний цээжлэх чадвар хөгжинө. Товчхондоо, соробанаар хичээллэснээр хүүхдийн оюун ухаан, анхаарал төвлөрөлт, ой тогтоолт хөгждөг. Шинжлэх ухааны үндэслэлтэй, амжилт нь батлагдсан энэхүү хөгжилтэй, үр дүнтэй сургалтын хөтөлбөрийн хүрээнд сурагчид уураг тархиа гайхалтайгаар хөгжүүлэх болно.

Соробаны сургалт маш олон талын чадварыг хүүхдэд бий болгодог.

• Тархины хоёр тал бөмбөлгийг хөгжүүлэх

• Дэвшилтэт тооцоолох чадвар

• Анхаарал төвлөрөлт

• Тооцоолох, ажиглах чадвар

• Хурдыг нэмэгдүүлэх

• Дүн шинжилгээ хийх

• Өөртөө итгэх итгэл

• Ой тогтоолт

• Тэвчээр

…гэх мэт олон талын ач холбогдолтой.

Хүүхдээ сампингаар хичээллүүлж эхэлсэн нэгэн ээж “Хүү маань нэгдүгээр ангид ороод 18 үсэг нүдлэх гэж хоёр сар гаран болсон. Гэтэл сампингийн сургалтад яваад үлдсэн үсгүүдээ долоо хоногийн дотор тогтоочихсон” хэмээн туршлагаасаа хуваалцаж байна. Энэ бол сампин гэхээсээ илүү сурах чадварыг дээшлүүлж байгаа хэрэг.

СОРОБАН чамайг илүү ухаантай болгоно

Яаж хурдан бодох вэ, яаж хурдан цээжлэх вэ, ой тогтоолтоо сайжруулах уу гээд. Дээр нь зохион байгуулалт сайтай болдог.

Баруун гарын таван хуруун дээр жишээлэхэд эрхий хуруу логик сэтгэлгээ хөгжүүлдэг, долоовор хуруу зүүн тархины бүтээлч чадварыг сайжруулдаг. Дунд хуруу ой тогтоолтыг сайжруулдаг.

Ядам хуруу харах, чигчий хуруу сонсох чадварыг хөгжүүлдэг гэж Америкийн их сургуулиудын эрдэмтдийн судалгаагаар дүгнэсэн байдаг.

Тиймээс энэ бол сампин биш, тархийг хөгжүүлж, чадваржуулдаг юм байна гэсэн дүгнэлтэд хүрч байна. Энэхүү судалгаагаар америкийн эрдэмтэд Нобелийн шагнал ч хүртсэн нь бий. Сампингаар сурч чадахгүй нэг ч хүүхэд байхгүй.

Сампингийн хэрэглээ нь одоогоос 450 гаруй жилийн өмнө анх японд орж ирсэн бөгөөд соробан нь японы сургалтын системд багтаж байжээ.

Эдогийн үе буюу 18- р зууны үед япончуудын боловсрол тэр дундаа математикт чадварлаг байсныг соробаны хэрэглээтэй холбон тайлбарлах нь ч бий. Цаашлаад сампин дээр 16 оронтой тоог хүртэл унших боломжтой.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.