15/01/2018 · niitlelch.mn (Archiv) · Archive

Шинэ үндсэн хуулийн ойн барилдаанд

Шинэ үндсэн хуулийн ойн барилдаанд гарьд Ө.Бат-Орших түрүүлжээ

Энэ сарын 13-ны өдөр Монгол Улсын Ардчилсан шинэ үндсэн хууль баталсаны түүхт 26 жилийн ойн өдөрт зориулсан Улс, аймгийн алдар цолтой бөхчүүдийн барилдаан боллоо. Энэхүү барилдаанд улсын гарьд Ө.Бат-Орших түрүүлжээ. Уг барилдаанд улсын арслан Н.Батсуурь, Р.Пүрэвдагва, гарьд Ө.Бат-Орших, заан Б.Батмөнх, Б.Пүрэвсайхан, Б.Соронзонболд нарын бөхчүүдээр магнайлуулсан 256 бөх зодоглосон юм.

Увс аймгийн Улаангом сумын харьяат, улсын шинэ гарьд Ө.Бат-Орших найм даван түрүүлж, Булган аймгийн Могод сумын харьяат, улсын өсөх идэр, өрнөн дэлгэрэх начин Э.Энхбат үзүүрлэв. Их шөвөгт Өвөрхангай аймгийн Тарагт сумын харьяат, улсын начин Б.Сангисүрэн, Булган аймгийн Сайхан сумын харьяат, аймгийн харцага Д.Пүрэвдорж нар шалгарлаа.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.