02.01.2017 · niitlelch.mn (Archiv) · Archiv

Баярын өдрүүдэд 1500 гаруй цагдаагийн алба хаагч эргүүлийн үүрэг гүйцэтгэжээ

Улаанбаатар хотын цагдаагийн газрын нийт бие бүрэлдэхүүн “Шинэ жил” нэгдсэн арга хэмжээний хүрээнд өнгөрөгч өдөр Цагдаагийн ерөнхий газрын даргын тушаалаар өндөржүүлсэн бэлэн байдлын хоёрдугаар зэрэгтэй ажиллажээ.

Баяр амралтын өдрүүдэд нийслэлийн иргэдийн амар тайван байдлыг хангах, гэмт хэрэг, зөрчлөөс урьдчилан сэргийлэх, нийтийн хэв журам хамгаалах, олон нийтийн аюулгүй байдлыг хангах зорилгоор 1500 гаруй алба хаагч, ХСИС-ын 350 гаруй сонсогчийн хамт 400 гаруй чиглэлд хөдөлгөөнт, явган болон нохойт эргүүлийн үүрэг гүйцэтгэсэн байна.

2017 оны нэгдүгээр сарын 01-ний өдөр буюу өнөөдрийн байдлаар Нийслэлд онц ноцтой гэмт хэрэг, гудамж талбай олон нийтийн газар осгож нас барсан тохиолдол бүртгэгдээгүй байна гэж Улаанбаатар хотын цагдаагийн газраас мэдээллээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.